Hüt sind mir noch Lüderitz, äm einzige Hafe vo Namibia gfahre und denn wiiter zu verschiedene Meerbuchte.
Unterwägs hend mir ä schöni Gruppe Orix und Flamingos und uf äm Retourwäg wildi Ross gseh, das hett dä Regula und dä Seline sicher gfalle!
Am Meer häts so fescht gstürmt, dass mir fascht nümm hend chöne stoh und laufe – isch luschtig gsi! Trotzdem han is gschafft, dä Kofferruhm vom Auto chli usezputze und vo dä digge Sandschicht zbefreie – s isch zwor vergäbni Müe gsi, uf dä Heimfahrt sind mir in än rächte Sandsturm gfahre…uf dä Stross häts statt Schneeverweiige eifach Sand gha und statt dä Schneeflogge isch Sand uf s Auto und uf d Schiebe prasslet!

Di hütig fahrt isch ca. 3 3/4 Std. über Staubstrosse, durch ä schöni abwechsligsriechi Landschaft gange – s isch wenig Verchehr gsi: mir hend atroffe: 2 Rüppellstrappe (isch än Vogel) 2 Gruppe Springböck, 1 Kudu, 1 Steinböckchen, einigi Strausse, än Geisshirt mit siine Geisse und sogar 1 Auto!
Nochhär ischs uf ca. 120 km schnurgrader Teerstross wiitergange. S hät nöd würkli meh Verchehr ka – 1 Laschtauto hend mir überholt und ca 5 Auto sind üs entgegecho und ein Orix isch am Strosserand gstande…Eifach Wüeschtilandschaft, ohni Hüser und Mensche…

Gescht händ mir än wunderbare Sundowner mit feinem Openairapero gnosse
Und hüt sind mir mit äme Safarifahrzüg uf äre tolle 7 Stündige Canyontour gsi – sisch rächt ufregend gsi….

Hüt sind mir über endlos langi, schnuurgradi Strosse vo Südafrika noch Namibia gfahre! Z Südafrika häts no Streppe mit Strücher und chliine Büsch gha, z Namibia isch plötzlich praktisch nume no Sand- u. Steiwüeschti gsi!
Bevor mir üses Ziel erreicht hend, hämmer än Abstecher an Fish River Canon gmacht – s hät üs sehr an Grand Canon z USA erinneret – nume chli chliener…
S Hotel isch speziell: äs Museum vo alte Autos! Si stönd überall, im Sand, im Huus, im Restaurant.. wo mä anelueget…äm Urs gfallts!

Hüt sind mir durch endlosi Buschsteppegebiet gfahre uf Strosse ohne Kurve, eifach km um km grad us! Di grosse Abwechslige sind di km-lange Baustelle gsi, wos immer gheisse hät d Warteziit vor äm Liechtsignal sig + / – 10 Min.
Im Hotelgarte residiered au no anderi Gäscht, hoch obe i dä Bäum….und au d Vögel hend s verdichteti wohne entdeckt….

D Bilder chömed immer i dä falsche Reiefolg, weiss nöd wieso…

Noch äme wunderschöne Morge-Strandspaziergang wo mir bi dä Chinesische Mur vorbii cho sind, sind mir uf Clanwilliam wiitergfahre und hend unterwägs kurligi Pflanze und Felsbrögge bestunt

Hüt sind mir durch ä Gegend mit riesig grosse Räbberge uf Paternoster gfahre. Ãœses Hotel isch direkt am Meer und s Zimmer mit Sitzplatz isch direkt uf dä Düne: wunderschö! Noch äme feine Znacht i me chliene Beizli hend mir im Zimmer Lindtschöggeli uf äm Bettchüssi gfunde und d Heizdeggi im Bett isch igschaltet und wohlig warm gsi! – uf üsere Fahrt hend mir übrigens no Strausse und Flamingos gseh, nume halte und föttele isch leider nöd möglich gsi, s hät kei Möglichkeit zum halte gha…..

Heute morgen bestaunten wir die bizarren Pflanzen (u. Vögel)
Am Nachmittag fuhren wir nach Eikendal Lodge und fanden wieder Blumen, sogar im WC…

Hüt sind mir am üsserschte südlichschte Teil vo Afrika gsi!
Do hend mir au di erschte „exotische“ Tier troffe!
Und no äs Fötteli speziell für d Regula und d Seline