Archiv für den Monat: Oktober 2013

Ai Aiba Lodge

Noch äre einsame Staubstrosse-Fahrt, mir hend während ca. 2 Std. kei Auto troffe, sind mir guet a üsers hütig Ziel cho.
Noch änere churze Wanderig durd Felse und äme erfrischende Pool-Schwumm hend mir denn no ä Sonne-Untergangs-Fahrt gmacht!

20131030-205642.jpg

20131030-205702.jpg

20131030-211013.jpg

20131030-211132.jpg

20131030-211412.jpg

Wüstenquell Morgen bis Abend

Am 6 i, bim Sonne-Ufgang, hend mir än Spatziergang gmacht und zu üsere Ãœnberraschig än Giraff atroffe! – spöter uf äre Wanderig über d Farm sind mir a ganz spezielle Felsskulpture vorbiicho…leider nöd föttele chöne hend mir ä Wildchatz und denn am Nomitag ä Härde Bergzebras, d Chatz isch z schnàll gsi und bi dä Zebra hend mir eifach nume gstuunet und s föttele ganz vergässe..Zobig uf äre Farmrundfahrt hend mir denn än wunderschöne Sonneuntergang bestuunt!

20131029-230625.jpg

Sonne-Ufgang

20131029-230810.jpg

20131029-230852.jpg

20131029-230915.jpg

20131029-230928.jpg

Sonne-Untergang

20131029-231022.jpg

Wüstenquell

Noch änere fahrt dä dä Mondlandschaft entlang sind mir wiiter übere ziemlich holprigi, staubigi Stroosse bis zu üsem Ziel gfahre. Am morge hend mir aber zerscht no ä Bewilligung uf äme Büro müesse go hole, dämit mir überhaupt i das Gebiet hend dörfe fahre…S isch ziemli warm gsi – aber am Nomitag hend mir üs denn däfür chöne chli abchüele und zobig bim dusse Znachtesse hend mir denn langi Hose und warmi Pulli agleit! Mir sind do ebe würkli im Wüeschteklima: Nacht chalt – Tag sehr heiss…

20131028-222619.jpg

20131028-222639.jpg

20131028-222656.jpg

20131028-222720.jpg

20131028-222736.jpg

Swakopmund

Uf üsem hütige Uusflug id Mondlandschaft vo Swakopmund hend mir ganz spezielli Pflanze kenneglärnt…

Namibiaedelweiss

20131027-180439.jpg

Lebende Steine

20131027-202524.jpg

Welwitschia, die komisch Pflanze isch eigentlich än Baum!, hät nume 2 Blätter, wo aber im Lauf vom johrhunderti lange Läbe zerfransed und denn wie vieli Blätter usgsehnd. Das Exemplar do uf dä Fotti isch ca. meh als 800 Johr alt!!!!

20131027-203427.jpg

20131027-203442.jpg

Und no zwei wo i dä Name nümme weiss, aber mir sehr guet gfalled

20131027-203816.jpg

20131027-203831.jpg

Swakopmund, Desert-Dünentour

Hüt hend mir ä ganz tolli Wüeschte-Düne-Safari gmacht. Zäme mi äme englische Ehepaar und üsem Guide sind mir ca. 5 Std. durch d Wüeschti gfahre: Düne ufe, Düne abe, Düne rundume…mängmol hend mir gmeint mir siged ufere Bahn a dä Basler Herbschtmäss…
Immer wieder isch üse Guide zum Auto usegumpt, i Düne gsprunge und hät agfange mit dä Händ dä Sand wägbuddle…und hät so Blindschliiche, Spinne, Gekos, Eidächse und Schlange gfunde und üs zeiget!
Di chlie Schlange isch übrigens ziemli giftig, für äs Chind chan än Biss tödlich si, au vor äm Skorpion hät dä Guide rächt Respekt gha…di chli Blindschliiche (uf dä Hand) isch mege härzig gsi, d Eidächsli sind wahnsinnig schnell Düne ufegrennt und in Geko han i mi grad verliebt, isch halt eifach eis vo miene Lieblings-Tier! Und für d Seline: s Chamäleon gseht zwor wie äs gföhrlichs Tier us – isch aber nume harmlos und sehr härzig!

20131026-212220.jpg

20131026-212239.jpg

20131026-212255.jpg

20131026-212318.jpg

20131026-212350.jpg

20131026-212334.jpg

20131026-212410.jpg

Ababis Guestfarm

Noch churzer Fahrt wo mir immer wieder so riesigi Näschter vo dä Gsellschaftsvögel gseh hend, sind mir uf dä wunderschöne Farm scho vor äm Mittag iitroffe und hend üs für ei Nacht iigrichtet….mir hend än ruhige sommerwarme Nomitag am Pool und uf äm Sitzplätzli vo üsem Zimmer verbrocht. Noch Tee und Kueche mit dä Farmlüt sind mir uf en churze Obigspaziergang gange, sind dur alli di viele Geisse und Schof glaufe und hend denn spöter mit dä Farmlüt und dä andere Gäscht ame laaaaange Tisch än feine Znacht gnosse! S isch luschtig so wie in äre grosse Familie z sie – s git no spannende Gspröch und Informatione.20131025-203155.jpg

20131025-203307.jpg20131025-203345.jpg

20131025-203455.jpg

20131025-203540.jpg

20131025-204644.jpg

Im Sand

Sand, Sand, Sand – Sand so viel mä will – riesigi Sändälihüfe für d Seline, dä Mael und d Emilia und alli wo wönd sändele…
Mir hend hüt än Usflug i di grosse Sanddüne gmacht. S isch sehr iidrücklich und au sehr heiss gsi – sicher wiit über 30 Grad – toll! Wo mir den id Lodge zrugg cho sind hend mir üsi Openair-Duschi vo üsem Hüsli gnosse und versuecht dä Sand wieder los zwärde…

20131023-172643.jpg

20131023-172412.jpg

20131023-172437.jpg

Fest Inn Fels Lodge

Noch churzer Fahrt, sind mir guet i dä Fest Inn Fels Lodge a cho – ä ganz tolli Alag! S hät us döt mega gfalle – mir hettes meh als ein Tag döt usghalte! Dä Nomitag hend mir denn gfulenzt und sind im Schatte am Pool gläge und hend äs Bier trungge.. Zobig sind mir mit äm Lodgebesitzer durchs Farmland gfahre und hend alti Buschmann Jagd- und Wohnstätte bsuecht – s sind allerdings meh oder weniger Felshölene oder Felsvorsprüng gsi wo chli Schutz bote hend – nöd sehr komfortabel…

20131022-182518.jpg

20131022-182457.jpg

20131022-182541.jpg

Hoodia Desert Lodge

Noch äre lange Staubstroosfahrt hend mir üsi Lodge erreicht, Zimmer bezoge, ich bi im Pool go bädele und dä Urs hät Charte- und Reisestudium gmacht. S isch sehr warm do, sicher gueti 30 Grad – i gnüsses und äm Urs ischs scho bald chli zwarm….

20131022-183107.jpg

20131022-183122.jpg