Seline-Zirkus fascht vergesseni Fötelis ;-)
3 Antworten
Archiv für das Jahr: 2013
Eningu Clayhouse Lodge
Siit geschter gnüssed mir no di letschte Stunde vo üsere lange Reis. Mir wohned inere wunderschöne Lodge – nonemol wiit wäg vo Hüser, Lärm und Auto – und gnüssed d Wärmi, d Sonne und d Stilli!
Am Morge hend mir ä churzi Wanderig bim Sonne-Ufgang gmacht und noch äm Zmorge sind mir zunere Bildhauerin gfahre und hend imene alte Wäbereigebäude ihri viele Stei- und Bronze-Skulpture bewunderet.
Waterberg Wilderness Plateau Lodge
Siit geschter sind mir jetzt i däre schöne Lodge, wo mir äs Hüsli mit wunderschöne Ussicht und äme chliine Privatpool hend.
Noch dä Äkunft hend mir denn ame Game Drive teilgno und däbi ganz noch 2 Breitmuulnashörner gseh. Und will die sehr friedfertig sind hend mir dörfe us äm Auto usstiege und bis 2 – 3 m anegoh….
Hüt hend mir ä 3 Stündigi Wanderig ufs Waterberg Plateau gmacht. Zum Glück isch än Guide däbi gsi! Er hät plötzli gstoppet und üs rächt dütlich zur Rue ufgforderet… uf äm Wäg isch ä Schwarzi Mamba gläge!!! Und denn aber rächt schnäll abghaue is Gebüsch. Isch scho no ufregend gsi und au nöd ganz ungföhrlich….zum föttele isch aber kei Ziit bliibe.
Frans Indongo Lodge
Noch äre zwor nöd allzu lange aber ziemli eintönige laaaaange grade Teerstrossefahrt hend mir üsers Tagesziel erreicht. Am und im Pool hend mir dä Nomitag gnosse. Anere Rundfahrt durs Buschland am spötere Nomitag hend mir denn nonemol eis vo dä grosse Tier z Afrika a troffe: s Breitmulnashorn!
Mushara Bush Camp 2
Hüt sind mir nonemol 9 Std. dur dä Etoshapark gfahre…..und hend vieli Tier gseh und vieli Tier gföttelet….
Mushara Bush Camp
Au hüt hämer wieder än Hufe Zebra gseh….aber s high light sind 2 Leue gsi! Ein isch grad vor üsem Auto über d Stross glaufe – i ha dä Fotti gar nöd so schnäll parat gha, drum gseht män halt nume no vo hine! Em andere hend mir däfür bim Frässe chöne zueluege, er isch grad näb dä Stross im Gebüsch versteckt gläge.
Will üsi Permit für dä Ufenthalt im Etoshapark am 12 i abglaufe isch, sind mir denn is Camp gfahre und hend dä Nomitag am Pool verbrocht.
Okaukuejo Safari
Hüt Morge sind mir scho früe losgfahre zum Tier a dä Wasserstelle z finde…mir hend si denn au zu Hunderte gfunde! Will alles so dürr und troche isch (s hät do sit ca. 2 Johr nüme grägnet) müend Tier wiiti Wäg uf sich neh um Wasser zfinde und denn wieder wiit zrugg go um irgendwo no ä bitzeli dürrs Gras oder ä paar Blätter zfinde – und das 2 mol am Tag!
Okaukuejo
Uf üsere hütige Fahrt dur dä Etosha-Nationalpark sind mir so richtig „gsandet“ worde – s hät uf äm ganze Wäg fescht gluftet und alle Sand ufgwirblet! Mängmol ischs fascht wie dur Näbel fahre gsi…Aber mir hend än Huufe Tier gseh!
Dolomite Camp
Jetzt sind mir also i dä berüehmte Etosha! Und mir sind bis jetzt nöd enttüscht worde! Unterkunft isch super – zu üsem Chalet häts än Sitzplatz mit Liegestüehl, Sonneschirm, Lounge-Sofa und kliinem Mini-Bade-Pool!!!
Trotzdem hend mir denn no än Safariusflug gmacht – s isch super gsi und mir di einzige 2 Gäscht…
Leue hend mir zum Schluss au no gseh! aber s isch zum Föttele leider scho z dunggel gsi.
Etendeka Tent Camp
Noch äre wiitere Holperstaubstrossefahrt hend mir üses Auto bi dä Palmwag Lodge parkiert und sind denn vo mä „Safari“ 4 x 4 – Jeep ca. 1 1/2 Std. samt allem Gepäck is Camp gfahre worde – s isch ä ziimli holprigi Fahrt gsi…
Denn hend mir 2 tolli Täg wiit ab vo allem gnosse – am 2. Tag sind mir di einzige Gäscht gsi und hend tolle „privat“ Service gha…
